كابوس الشارع العراقي

كابوس الشارع العراقي

هذا انة
وحيد وعايش بغابة
وكلهة ضباع جوعانة
وياهو التشوفة يصير
وحش مكشر اسنانة
:::::::::::::::::::::::::
اااااه ياوكت ... ليش البشر يتغير
وينهش لحم اخوانه
وصار الجار من ينام
خايف غدر جيرانة
:::::::::::::::::::::::
ااااه ياوكت ... جان الجار عضد الجار
وعطر يعط اللسانه
شبسرعة نسينة الطيب
وصار الطيب ينسانة
:::::::::::::::::::::::::::::::
وضيعنة وطن تالي ليل
وصرنة عقول خرفانة
ومذابح صفينة هواي
وكلهة احزان علكانة
::::::::::::::::::::::::::::
يمعود بسكم عاد
مو كلهة الناس تعبانة
تريد الخلك هم ترتاح
يكفي الروح حزنانة

» وهذي قصيدة للشاعر العراقي عبد القادر العاني امبينة طاكة