شونكم؟؟ انشاء الله بخيرهاي اول مشاكة الي بالمنتدى وحبيت اشارك بشعر على العراق حبيبيوطبعا من كتابتي هذا الشعر واتمنة ان ينال اعجابكماسمك على راسي يالعراق يا احلة وطن مابين
البلاد...انت الحب الك يختلف حتة وصفة جبير
يا كلبي يا بغداد...صحيح ناسج صارت بين كل
البلاد بس كل هذا نضل نحبج يابغداد...شيعة و
سنة اخوان ونضل رفعة راس للي يعجبة وما
يعجبة بأي بلد من كل البلاد...بس نسمع اسمك
الكلب يرتجف واسمك يهز الكاع ياروحي يا
بغداد...سليمانية وانبار ونجف وحلة وكركوك و
سامرة وبغداد رفعة راس الوطن وام الدنية...
ونذكر وكت العصر لمتنة بين الاحباب ويبدي
وكت الغروب وتتمشة على دجلة و احلة هوى
تشمة كل هذا لانك بغداد...حتة هواك يختلف
حتة ميك وحتة كاعك وكلك انت من ذهب و
شوصف بعد واكتب عنك يا احلة بلد... عمري
ماشفت مثلك بهل العمر يا اغلة وطن على كلبي
واجمل ماشافت عيني واحلة شي كتبت عنك
ايدي ... مابقة شاعر ماكتب عنك يا اغلة وطن
ومابقة مغني ماطرب بأسمك يا احلة واجمل اسم...
نضل اخوان ومانختلف ومانعرف نفترق ولا نبيع
اغلة بلد... افتخر جنسيتي عراقي وافتخر بحبي
لبلادي وعمري كلة مراح ابدل الي بكلبي الك يا
اجمل بلد...لاتحزن على الي ديصيرلك لان انت
راجع بيوم من الايام وراجع احسن من قبل يا
حبيبي يا عراق...منريد بعد اكثر من الي ديصيرلك
ولانريد نشوف الدم وجروح الاطفال حرام هيج
ناس يضوكون هل اذية وحرام توكع قطرة دم و
الانسان ينغدر بكل اذية...حتة علمك حلو احمر
ونجومة خضر وبيه سواد الليل واللون الابيض
بالوسط وكلمة الله اكبر اللي اداوي الجرح وتنسي
الاذية...حنيت الك يالعراق وبروحي ضميتك ...
ما اكدر على فركاك ومن كلبي حبيتك ... شوكت
ترجع الايام ؟؟!! وروح الاغلى البلدان ... لان كلبي
بفراكك تعب وهذا شي اصعب من الادمان...متصورت
يوم اسافر واعوفك ... وما ادري اشوكت اجي واشوفك؟!
شوكت تفرج يالعراق ويرجع اهلك وشبابك؟...شوكت
ترجع احلة ايامك؟...واحسب بثواني حتة ارجع للعراق
واشوف اهلي واصدقاء العمر وحتة روحي ترجع
بداية شوفتي لمطارك... كلبي ما احسة ينبض كلبي
احسة توكف دكاتة وميرجع النبض الي بي الا بشوفة
العراق واهلة وناسة... اسأل نفسي واكول سهلة تروح
ايام وسنين وشهور؟! وسهلة تروح روح الانسان وبعدها
يموت ويزول... متوقعتك يالعراق راح تجيك هالايام...
ايام صعبة وتخلي الي ماعندة كلب يكول الاه والي ماعندة
احساس يصير يبجي ويصيح الاخ... ادعيلك من كل كلبي
يالعراق حتة ترجع ايامك احسن من الماضي واضل ادعيلك
وما ابطل دعائي ... اضحك ودموعي تنزل على خدي
وما احس اضحك من كل كلبي ... ولاتحزن يالعراق
انت راجـــــــــــــــــــــــــــــــــــــــــــــــ ــــع بأذن الله ...
تحياتي الكم 
الرئيسية 
أحدث الصور 
التسجيل 
دخول 
الإثنين يوليو 30, 2007 7:33 am