من شفتك حبيبي العين بالعين

(من شفتك)

من شفتك حبيبي العين بالعين
دمعتي ودمعتك نزلن سويه
رجف كلبي عليك وكف لحظات
واحس وافتني ساعتها المنيه
اذا حبك اذيه اتعذب الروح
صدك اني راضي بهل اذيه
انا اشتاكيت ماضل صبر بيه
واجيك اليوم مو باجر الجيه
اجي لراسك ركض واوصل قبل الاجدام
واذا تعبت اجدامي امشي على اديه
واذا حنيت لو ضاك الخلق بيك
احس بدنيتي ضاكت عليه
واذا وحشه عليك اتصير بالليل
عليه الوحشه تبده من المسيه
واذا دمعك علي ينزل بالخدود
عليك عيوني طاحت بين اديه

التوقيع

» اغنية جديدة لحسام الرسام ما حصل من هواي بس دمعة العين